அடுத்த‌ நாளும் இவ‌ர் பலாத்கார‌த்திற்கு முய‌ல‌ ருச்சிகா மறுத்து தன் தந்தையின் உதவியோடு அன்றைய முதல்வருக்கு புகார் அளிக்க, அன்றைய டிஜிபியான ஆர்.ஆர். சிங் தலைமையில் ஒரு குழுவை அமைத்து விசாரனைக்கு உத்தரவிட்டார். ஆனால் அங்கும் அதிகார பலம் மேலோங்க அந்த அறிக்கையோடு சேர்த்து வழக்கும் கிடப்பிலே போடப்பட்டது., உடனடியாக‌ அந்த‌ கிள‌ப்பில் இருந்தும், அவ‌ள் ப‌யின்ற‌ ப‌ள்ளியில் இருந்தும் அதிர‌டியாக‌ நீக்க‌ப்ப‌டுகிறார் ருச்சிகா. ம‌ற்ற‌ ப‌ள்ளிக‌ளும் இவ‌ருக்கு இடம் கொடுக்க‌ ம‌றுக்கின்ற‌ன‌. இந்த‌‌ நிலையில் அவ‌ர் அண்ண‌ன் ராகுல் மீது 6 திருட்டு வ‌ழ‌க்குக‌ள் (த‌மிழ‌க‌மாக‌ இருந்தால் க‌ஞ்சா வ‌ழ‌க்கு போட்டிருப்பார்க‌ள்) போட்டு சிறையிலே சித்ரவதை செய்யப்படுகிறார்.

ருச்சிகாவின் தற்கொலை முடிவு:

மூன்று வருடங்களாக ருச்சிகாவின் குடும்ப‌த்தின‌ர் மிர‌ட்ட‌ப்ப‌டுகின்ற‌ன‌ர். இத‌னால் ம‌ன‌ம் உடைந்த ருச்சிகா 1993 ஆம் ஆண்டு விசம் குடித்து தற்கொலை செய்து கொண்டார். இதற்கு முன் அந்த மாநில முதல்வரிடம் கொடுக்கப்பட்ட மணு கிடப்பில் போடப்படுகிறது. அது மட்டுமின்றி குற்றவாளி ரத்தோர் டிஜிபியாக பதவி உயர்வு பெறுகிறார். ருச்சிகாவின் மரணத்தால் அவர் தந்தை சுபாஸ் செய்வதறியாது நிற்கும் போது ருச்சிகா தோழி ஆராதனாவின் பெற்றோர் பிரகாஷ் தம்பதியினர் இந்த வழக்கை கையிலெடுக்கின்றனர். எவ்வளவோ முயன்றும் பலனில்லாமல் சுமார் 7 வருடங்களுக்கு பிறகு 2000 ஆம் ஆண்டில் அந்த பழைய ஆர்.ஆர்.சிங்கின் அறிக்கை இவர்களுக்கு கிடைக்க மீண்டும் களமிறங்குகிறார்கள். ஹரியான நீதிமன்றத்தில் குற்றப்பத்திரிகை தாக்கல் செய்யப்பட்டு வழக்கு சிபிஐக்கு மாற்றப்படுகிறது. ஆனால் இதன் பாதிப்புகள் துளியுமின்றி 2002 ஆம் ஆண்டு ரத்தோர் அரசு வழ‌ங்கும் அனைத்து சலுகைகளையும் எவ்விதமான நிலுவையுமின்றி பெற்று ஓய்வு பெறுகிறார்.

ஆயிரம் ஓவாயும் ஆறு மாதமும்:

சைக்கிள் திருடியவனை ரவுண்டு கட்டி அடித்து துவைத்து அவனுக்கு 5000 ரூபாயும் ஒரு வருட சிறையும் விதிக்கும் நமது நீதித்துறையினர் பாலியல் குற்றவாளியான இந்த ரத்தோருக்கு ஆயிரம் ரூபாயும் ஆறுமாத சிறை தண்டனையும் விதித்து தன் தீர்ப்பை சர்வதேச தரத்தில் அளித்திருக்கிறது. இவர் மீது போடப்பட்ட தற்கொலைக்கு தூண்டும் பிரிவு வழக்கு முன்னரே சத்தமில்லாமல் நீக்கப்பட்டு விட்டது. சினிமாவையே மிஞ்சும் அளவிற்கு கண்கூடாக நடந்த ஒரு நிகழ்விற்கு நீதிமன்றம் அளித்த அதிகபட்ச தண்டனை ஆறுமாதம் மட்டுமே அதுவும் உடனடியாக ஜாமீனும் வழங்கப்பட்டு விட்டது. இதுவே ஒரு சாமானியனாக இருந்திருந்தால் அவனுக்கு ஆயுள் தண்டனை வரை கிடைத்திருக்கும்.

ரத்தோருக்காக வாதாடிய பெண் வழக்கறிஞர்:

ஒரு எதிர்கால வீராங்கனையின் வாழ்க்கையை அழித்த இந்த காம மிருகத்திற்கு ஆதரவாக வாதாடியது ஒரு பெண் வழக்கறிஞர் என்பது தான் மானக்கேடான விசயமே. இவரது மகளுக்கு இது போன்ற ஒரு கொடுமை நடந்திருந்தால் அதற்கு ஆதரவாக வாதாடியிருப்பாரா இவர்? காசுக்காக சட்டத்தின் ஓட்டைகளை அடைப்பவர்களை விட காசுக்காக கற்பை விற்கும் விபச்சாரிகள் எவ்வளவோ மேல். இந்த வழக்கறிஞர்கள் நினைத்தால் தேசத்தந்தை காந்தியை கொலை செய்தவனைக் கூட நிரபராதியாக்கி காந்தி கொலை வழக்கை தற்கொலை வழக்காக மாற்றிவிட இயலும். ஆக நீதி தேவதையின் கண்கள் கட்டப்பட்டிருப்பது இது போன்ற கொடுமைகளை பார்கக்கூடாது என்பதால் தானா?

பெரிய பதவிகளில் இருந்து கொண்டு உள்ளுக்குள்ளே காமகளியாட்டம் ஆடும் இது போன்ற மிருகங்களை நாடு கடத்த வேண்டும். இவர்களுக்கு வழங்கப்பட்ட அனைத்து சலுகைகளும் சொத்துக்களும் பறிக்கப்பட்டு நடுத்தெருவிலே விட வேண்டும். அப்போது கூட இவர்கள் திருந்த மாட்டார்கள்.

நாணல் போல வளைவது தான் சட்டமாகுமா,

அதை வளைப்பதற்கு வழக்கறிஞர் பட்டம் வேண்டுமா?

மனிதன் என்ற போர்வையில் மிருகம் வாழும் நாட்டிலே,

நீதியென்றும் நேர்மையென்றும் எழுதி வைப்பார் ஏட்டிலே!

என்ற பாடல் வரிகள் தான் நினைவுக்கு வருகிறது. வாழ்க ஜனநாயகம்.