படங்களுக்கு நன்றி : THE HINDU இன்று காலை 6 மணிக்கு மங்களூர் நோக்கி துபாயில் இருந்து வந்த ஏர் இந்தியா போயிங் 737 ரக விமானம் விமான நிலையத்தில் தரையிற‌ங்காமல் நேராகச் சென்று 10 கிலோ மீட்டர் தூரத்திலுள்ள‌ மலை மீது மோதி வெடித்துச் சிதறியது. இந்த விமானத்தில் 160 பயணிகளும் 6 விமான‌ சிப்பந்திகள் பயணம் செய்தனர். விமானம் வெடித்துச் சிதறியதும் உடனடியாக மீட்பு நடவடிக்கைகள் மேற்கொள்ளப்பட்டன. விமான நிலையத்தில் இருந்த மீட்புக் குழுவினர் ஆம்புலன்ஸூகளிலும், தீயனைப்பு வாகனங்களிலும் விரைந்து சென்று மீட்புப் பணிகளில் ஈடுபட்டனர். விபத்து நடந்த இடத்தில் மழை பெய்து கொண்டிருந்ததால் மீட்புப் பணிகளில் தாமதம் ஏற்பட்டது. வெடித்துச் சிதறிய விமானத்தின் பாகங்கள் 5 கிலோ மீட்டருக்கு சிதறிக் கிடந்தன. விமானத்தில் பயணம் செய்த அனைவரும் இறந்து விட்டதாக முதலில் கூறப்பட்டது. தீ கொழுந்து விட்டு எரிந்ததாலும் மீட்புப் பணிகளில் தாமதம் ஏற்பட்டது. படுகாயங்களுடன் 4 குழந்தைகள் உட்பட‌ 8 பேர் அதிர்ஷ்டவசமாக உயிர் தப்பினர்.இறுதியில் 158 பேர் பலியானதாக அதிகாரப்பூர்வமாக அறிவிக்கப்பட்டது. அவர்களின் பெயர் பட்டியலை ஏர் இந்தியா நிர்வாகம் வெளியிட்டது. போதிய வெளிச்சம் இல்லாததும் விமானியும் கவனக்குறைவுமே இந்த விபத்துக்கு காரணம் என கூறப்படுகிறது. கடந்த 10 ஆண்டுகளில் இந்தியாவில் நடந்த விபத்துகளில் இது தான் தான் மோசமான விபத்து எனவும் தெரிவிக்கப்படுகிறது. இந்த விபத்தில் உயிரிழந்தோர் குடும்பங்களுக்கு ரூபாய் 2 லட்சம் ரூபாயும், காயம் அடைந்தவர்களுக்கு 50 ஆயிரம் ரூபாயும் வழங்குவதாக மத்திய அரசு அறிவித்ததுள்ளது. கருகி உருக்குலைந்த நிலையில் சடலங்கள் மீட்கப்பட்டுள்ளதால் யார் என அடையாளம் காண்பதில் மிகுந்த சிரமம் ஏற்பட்டுள்ளது. இந்த விபத்து குறித்து குடியரசுத் தலைவர் பிரதீபா பாட்டீல், பிரதமர் மண்மோகன் சிங், காங்கிரஸ் தலைவர் சோனியா காந்தி, தமிழக முதலமைச்சர் கலைஞர் ஆகியோர் தங்களின் ஆழ்ந்த இரங்கலைத் தெரிவித்துள்ளனர். விமானத்தில் பயணம் செய்தவர்கள் அனைவரும் கர்நாடகா மற்றும் கேரளாவைச் சேர்ந்தவர்கள். இவர்களில் அதிகபட்சம் துபாயில் வேலை செய்துவிட்டு விட்டு ஊருக்குத் திரும்பியவர்கள் எனவும் தெரிகிறது. உயிரிழந்தவர்களில் யாரும் தமிழர்கள் இல்லை. இந்த விமானம் ஓடு பாதியில் இறங்காமல் நேராகச் சென்றதாகவும் விபத்துக்கு முன்பு விமானியிடம் இருந்து எந்த விதமான அவசர சமிக்கைகளும் வரவில்லை எனவும் மங்களூரு விமான கட்டுப்பாட்டு நிலையம் தெரிவித்துள்ளது. போதிய வெளிச்சம் இல்லாததும், விமானியும் கவனக்குறைவுமே இந்த விபத்துக்கு காரணம் என தெரிவிக்கப்படுகிறது. அது மட்டுமின்றி லைலா புயல் காரணமாக பெய்த மழையால் விமானம் தடுமாறியிருக்கலாம் எனவும் கூறப்படுகிறது. இந்த விமானத்தின் கருப்புப் பெட்டி இன்னமும் கிடைக்காததால் விபத்து குறித்த சரியான காரணம் இன்னும் தெரியவில்லை.